Пресудите станаа правосилни, напаѓачите на Села одат в затвор

Добивај вести на Viber

Затворските казни на напаѓачите на Зијадин Села станаа правосилни, откако скопска Апелација им ги потврди и во моментов обвинетите чекаат упатен акт за да се јават на отслужување на санкциите.

Казните остануваат исти како и минатогодишната првостепена одлука, кога најголема казна од 13,6 години доби Никола Војминовски, а Кире Георгиевски и Александар Јаневски-Тошта добија по 13 години затвор. По десет години и шест месеци затворски казни добија Андреј Мицов, Николче Димитриевски, Оливер Ошавковски и Коста Делов.

Осудените го нападнаа Села како претседател на Алијансата на Абанците во Собранието на 27 април 2017 и при тоа му нанесоа тешки телесни повреди кои го доведоа до коматозна состојба.

Никола Војминовски, кој се наоѓаше во куќен притвор до правосилноста на пресудата, избега и сè уште е недостапен за органите на прогонот.

За обидот за убиство на Села првично беа обвинети 10 луѓе, но Сашо Сенков беше ослободен од обвинение, а обвинението за Стојан Павлевски и Цејо Ѓорѓиевски беше преиначено во насилство, па по признавањето вина, беа осудени на три, односно една година и два месеца затвор.