Претресена е јахтата на кумот на Путин во Хрватска
Објавено во: Балкан 30 Ноември, 2022
Американците се во хрватскиот град Трогир поради јахтата на „кумот“ на рускиот претседател Владимир Путин.
Луксузната јахта на украинскиот олигарх Виктор Медведчук е пребарувана пред десет дена во Трогир, објави денеска загрепскиот дневен весник Jutarnji list.
Динко Мешин, судија и портпарол на сплитскиот Жупаниски суд, потврди дека налогот за претресот на 92-метарската јахта „Royal Romance“ го издал споменатиот суд и тоа на барање на американското Министерство за правосудство. На налогот покрај името на украинскиот олигарх е и името на неговата сопруга Оксана Марченко. САД против нив водат постапка поради наводно кршење на американските сојузни закони, а обвинети се и за наводно перење пари. Се смета дека при претресот на јахтата во Тригир учествувал и цел тим на американското Федерално биро за истраги (FBI). Се трага по документација или поголема сума пари сокриена на јахтата. Се претпоставува, исто така, дека всушност цел на претресот бил евентуална документација и кореспонденција меѓу Медвечук и Путин.
Луксузната јахта „Royal Romance“, вредна околу 180 милиони долари, е долга 93 метри, широка 14,3 метри, дизајнирана е да смести 14 гости во седум луксузни кабини.