Претседателот на СДСМ-Торонто вели дека полиција му упаднала во неговиот дом за да го апси
Објавено во: Македонија 14 Јули, 2020
Претседателот на дијаспората на СДСМ во Торонто, Ацо Лукароски, објави дека вчера полиција упаднала во домот на неговата мајка за да биде уапсен поради тоа што ја манипулирал јавноста да го избришат поимот „Северна“ на гласачкото ливче со скриена намера истото потоа да стане неважечко.
„Вечерва во домот на мајка ми дошла полиција за да ме приведат...
Причина: Споделување на фејсбук објава за поништување на гласачко ливче... Има милион работи за коишто нема да им простам, ама ќе го додадам и тоа што психички ја малтретирале мајка ми... Ова што го прави Наќе Чулев е одлична можност да се уверат граѓаните што ќе се случува со државата доколку ВМРО-ДПМНЕ се врати на власт!“, напиша претседателот на СДСМ-Торонто на својот профил на Фејсбук.
Инаку вчера беше објавена веста дека поради истата причина приведен на распит бил Ѓорѓи Галетановски-Чомбе, директорот на скопската ЗОО и активист на СДСМ. Тој потоа објаснувал дека намерата му била да се шегува со опозицијата, а не да ги манипулира гласачите.
За слично дело во полицијата стигнале и пријави за професорот Ѓорѓи Спасов и активистот Боби Илиевски.