21 Октомври, 2019
0.0252

При посетата на „Вардариште“ Шилегов се заложи за хуман третман на уличните кучиња

Објавено во: Македонија 07 Ноември, 2017

Градоначалникот на Град Скопје, Петре Шилегов, денеска /07.11.2017 година, вторник/  заедно со Здружението за заштита на животни  „Анима Мунди“  го посетија стационарот за хуман третман на уличните кучиња „Вардариште“.

-Денеска се наоѓаме во стационарот за згрижување кучиња скитници „Вардариште“, ги отвораме вратите, овдека сме заедно со вработените во Вардариште и со претставниците на граѓанскиот сектор коишто се занимаваат со оваа проблематика како здруженија.  Целта ни е да ги видиме условите, начинот и како се згрижуваат кучињата скитници, да ги подобриме условите за престој на животните коишто се овдека стационирани  заради зимскиот период и да направиме една координација, јас како Градоначалник, вработените од Стационарот и претставниците на  граѓанскиот сектор и да дојдеме до едно оптимално решение за посовремен и похуман начин на згрижување на овие животни. Мене ми е драго што овдека се претставниците од  граѓанскиот сектор, бидејќи со нив имаме намера да го уредиме начинот и системот на функционирање на згрижување на бездомните кучиња - изјави градоначалникот, Петре Шилегов.

 Радмила Пешева од Здружението за заштита на животни  „Анима Мунди“  изјави дека  ова е нов почеток на работа на стационарот „Вардариште“ и дека тие  барале  од Градоначалникот да бидат  вклучени во неговото управување,  како и дека многу работи ќе  треба да се променат во  третманот на кучињата. Таа посочи дека иако масовно ќе се применува програмата „Залови, стерилизирај и врати на локација“, паралелно со оваа мерка за конечно да се решат проблемите  со бездомните кучиња ќе треба да се применуваат и низа други мерки  и од локалната и од централната власт.

-Очекуваме многу и спремни сме максимално  да се вложиме, така што сметаме дека од сега натаму работите ќе бидат подобри, рече Радмила Пешева од „Анима Мунди“ .

Столе Велковски од „Анима Мунди“ ги изрази нивните заложби да ги поттикнат  сите граѓани да дојдат и да се едуцираат за проблемот со бездомните кучиња  во Вардариште, да дојдат и да вдомат свој миленик и на тој начин да учествуваат директно во надминување на овој проблем. 

Можеби ќе ве интересира

Коалицијата на Мицкоски доби ново име

Коалицијата на Мицкоски доби ново име

ФОКУС НА ДЕНОТ: Се сумираат впечатоците од лидерската, попис ќе нема во април

ФОКУС НА ДЕНОТ: Се сумираат впечатоците од лидерската, попис ќе нема во април

ПОРАКА ОД СОФИЈА ДО МАКРОН: Граѓаните извикуваа „Бугарија и Македонија под едно небо”

ПОРАКА ОД СОФИЈА ДО МАКРОН: Граѓаните извикуваа „Бугарија и Македонија под едно небо”

ЃУЛИСТАНА МАРКОВСКА: Прав пат ни е доколку ЕУ реши да ни направи мониторинг

ЃУЛИСТАНА МАРКОВСКА: Прав пат ни е доколку ЕУ реши да ни направи мониторинг

ОЈО: Обвинителот во случајот „Тамара“ побарал изземање

ОЈО: Обвинителот во случајот „Тамара“ побарал изземање

ЗАЕВ Е ПОКАНЕТ ВО РИМ: Џузепе Конте бара да добиеме датум идниот месец

ЗАЕВ Е ПОКАНЕТ ВО РИМ: Џузепе Конте бара да добиеме датум идниот месец

МИЛОШОСКИ: Има три комплицирани начини за враќање на името

МИЛОШОСКИ: Има три комплицирани начини за враќање на името

ГРЦИЈА ЌЕ БИДЕ НА ШТРЕК: Ги засега Договорот од Преспа и случувањата кај нас

ГРЦИЈА ЌЕ БИДЕ НА ШТРЕК: Ги засега Договорот од Преспа и случувањата кај нас

Се судрија мотори кај Градежен факултет

Се судрија мотори кај Градежен факултет