Приходите од клубовите на Премиер лигата достигнаа рекордни 3,6 милијарди фунти
Објавено во: Економија 14 Јули, 2017
Фудбалските клубови на англиската Премиер лига во сезоната 2015/16 оствариле рекордни 3,6 милијарди фунти приходи, 9 посто повеќе отколку година дена порано, што е благодарение и на растот на паричниот прилив од Уефа во поглед на телевизиски права, покажува анализата на консултантско-ревизорската фирма Deloitte.
Заработката од телевизиски права од 1,9 милијарди фунти изнесувала повеќе од половина од вкупните приходи на водечките клубови, се наведува во анализата.
Минатогодишниот договор за телевизиски права постигнат на домашниот пазар донесува понатамошен силен раст на вкупните приходи, се додава.
„Дури и во последната година старите договори за телевизиски права, приходи на клубовите на Премиер лигата поставуваа нови рекорди, истакнува Дан Џонс, партнер во одделот на Deloitte за анализа на спортскиот бизнис, кој го претстави својот најнов годишен преглед на финансирање во фудбалот.
Џонс вели дека порастот на приходи од телевизиски права во сезоната 2015/16 најмногу е благодарение на европската фудбалска федерација УЕФА која плаќањата на клубовите во Премиер лигата ги зголемила за 100 милиони фунти.
Вкупните приходи на европскиот фудбалски пазар во сезоната 2015/16 достигнале 25 милијарди евра, што значи 13-постотен раст во однос на сезоната претходно, се наведува во анализата на Deloitte .
Сите пет најголеми лиги-Англија, Италија, Германија, Шпанија и Франција-оствариле раст на приходите во однос на претходната сезона.
„Лигата на петката“ заедно остварила раст на приходите од 12 посто, на рекордни 13,4 милијарди евра.