Припадничка на АРМ ја занеме јавноста: Вели „Браво за монструмот од Нов Зеланд“, ќе биде санкционирана!
Објавено во: Македонија 26 Март, 2019
-Нобелова награда за храброст да му се даде на „напаѓачот“, човекот во Нов Зеланд. Браво, бравоо-напишала припадничката на артилериската единица на АРМ Татјана Лазаровска на својот ФБ профил и крена паника во јавноста, со остри критики и осуди и во медиумите но и од Генералштабот на војската во Скопје.
Лазаревска, ангажирана како професионален војник, во артилериската единица, поради тој предлог, како што е оценето, на социјалните мрежи шири омраза. Во делот на осуда во медиумите, конкретно се бара нејзина суспензија и „чистење на фашистичкиот шлајм од институциите“.
Восхитена од делото на напаѓачот Брентон Тарант со пукањето во верниците во две цамии во Нов Зеланд, кога се убиени 50 луѓе, а повеќето се повредени, Лазаревска отворено шири омраза и дискриминација, стои во осудите за тој чин.
Покрај бранот негативни реакции на социјалните мрежи, осуда за „предлогот“ на Лазаровска стигна и од Генералштабот на АРМ, со најава дека поради таа постапка после истрагата, ќе биде санкционирана.