Притвор за синот кој со нож го уби својот татко
Објавено во: Македонија 17 Октомври, 2019
Судија на претходна постапка му одреди 30-дневен притвор на момчето кој во Кочани го уби својот татко откако претходно го пријавил во полиција дека физички ја малтретирал неговата мајка.
На 30 септември околу пет часот во семејниот дом во населбата Усова чешма во Кочани, 30-годишниот Д.С. со нож му нанел убодни рани во пределот на градите на 55-годишниот В.С, а кој по кратко време од здобиените повреди починал.
„Одделението за криминалистичка полиција на СВР Штип и надворешната канцеларија за криминалитички работи-Кочани во содејство со Секторот за општ и насилен криминал, единица за крвни и секусални деликти при МВР до надлежното обвинителство поднесе кривична пријава против Д.С. од Кочани поради постоење основи на сомнение за сторено кривично дело „убиство“, објави денеска МВР.
Д.С.е приведен во полициска станица, по што му е одреден 30-дневен притвор.