Пробиен рокот од првата фаза за изградба на новата клиничка болница во Штип
Објавено во: Економија 19 Мај, 2018
Државниот секретар во министерството за здравство, Владимир Милошев, за „Телма“ потврди дека се пробиени роковите за изградба на новата Клиничка болница во Штип.
Пред неколку месеци усвоен е нов акционен план од страна на Владата за изградба на првата фаза на болницата во декември оваа година, а под која се подразбира комплетно изградба на новиот објект, обезбедена современа апаратура и селење на пациентите, со што би почнала и втората фаза која ќе опфати уривање на постојното кожно и очно одделение и поврзување со акцелераторот.
„ Добивме информации дека на терен нема работници и во средата имавме нов состанок со грчката компанија и подизведувачот. Нас не не интересира подизведувачот, нас не интересира изведувачот. Договорот го имаме со грчката фирма. Разговаравме и укажавме и им дадовме разумен рок од две недели, за да видиме напредок во работењето. Тие гарантираат дека веќе од наредниот ден, од четвртокот ќе имале забрзување на динамиката. Понатаму неможеме да го толерираме неработењето. Доколку не го испочитуваат рокот, ние ги разгледуваме сите опции“, изјави Милошев.
Меѓу опциите е и раскинување на договорот со грчата компанија која го има добиено тендерот за изградба, а кој чини 30 милиони евра.