Професор иноватор од Кавадарци има решение за лажните дојави за бомби
Објавено во: Македонија 05 Декември, 2022
Професорот Димитрија Ангелков од средното електро-машинско училиште во Кавадарци вели дека има решение за надминување на проблемот со хибридните напади кои ја тресат државата и училиштата низ македонските градови со лажните дојави на бомби.
Иноваторот кој има добиено бројни награди за иновации, реши да се огласи по денешните заканите за бомби во пет кавадаречки училишта.
– Решение за дојавите е многу едноставно користење централиризан емаил сервер, на кој ќе бидат пријавени сите дигитални сертификати издадени од телеком и кибс. Така никој нема да може да прати емаил на школо ако нема валиден сертификат, добиен од телеком или од кибс. Решенија има, треба да се практикуваат. Друго решение е користење десктоп апликација вибер, кој работи, преку активација од мобилниот телефон, така исто секој што ќе се осуди да прати порака, ќе се знае од кого е пратена, објави Ангелков.
Тој смета дека со ова решение, поединци нема да можат да праќаат мејлови по училишта, затоа што ќе им треба дигитален сертификат за да може електронски да комуницираат со училишта.
Во Полициска станица Кавадарци утрово околу 7 часот било пријавено дека на електронска адреса на пет училишта (две средни и три основни) во Кавадарци им била упатена закана за поставена експлозивна нaправа. Веднаш по добиената пријава, полицијата презела мерки за безбедно евакуирање од училиштата и во тек се антитерористички проверки.