Профитот на Хрватски Телеком падна за 30 %

Добивај вести на Viber

Хрватски Телеком, во првата половина од 2013 година остварил вкупни приходи од 3,43 милијарди куни (457,4 милиони евра), што е за 5,9% помалку споредено со истиот период лани, додека, пак, нето добивката паднала за 29,4%, на 570 милиони куни (76 милиони евра). Во исто време, ЕБИТДА се намалила за 17,8, на 1,36 милијарди куни, со маржа од 39,7%, а во првата половина од 2012 година маржата била 45,4%, пренесува регионалниот бизнис портал SeeBiz. Капиталните вложувања на компанијата, во првото полугодие, пораснале за 64,9%, на 612 милиони куни, најмногу благодарение на поголемите вложувања во ИТ секторот, преуредувањето ан деловните згради, како и спроведувањето на стратешки проекти кој биле одложени во првата половина на 2012 година, соопштија од ХТ. Пазарот на фиксна телефонија во Хрватска останал и понатаму конкурентен во голема мера со девет активни оператори, а од ХТ информираат дека консолидацијата на пазарот во 2012 година довела до далеку поголем конкурентски притисок, што е последица на понудите од интегрираните телекомуникациски услуги. „Без оглед на конкурентскиот притисок, Т-ХТ ја задржа лидерската позиција на пазарот на фиксни комуникации“ - велат од ХТ.