Произведувачот на ремдесивир со неверојатна добивка во третиот квартал

Добивај вести на Viber

Антивирусниот лек ремдесивир за хоспитализирани пациенти со Ковида-19 веќе му донесе на неговиот производител Gilead Sciences добивка од скоро 900 милиони долари во третиот квартал, објави фармацевтската лабораторија.

Благодарение на продажбата на производот, кој беше развиен без успех за третман на хеморагична треска од ебола, групацијата ги зголеми кварталните приходи за 17 проценти и изнесуваат 6,58 милијарди долари. Gilead Sciences стана профитабилна компанија и оствари нето добивка од 360 милиони долари.

Ремдесивир е еден од првите лекови за кои се покажа дека е релативно ефикасен во ригорозните испитувања за да се скрати времето на опоравување на пациентите со ковид-19.

Се покажа дека Ремдесивир го скратува времето на опоравување за неколку дена, но не е докажано дека ја намалува смртноста.

Претседателот на САД, Доналд Трамп, кој се зарази со ковид-19 на почетокот на октомври, веќе пет дена добива ремодесивир, како и други лекови.

Американската агенција за борба против дрогата (ФДА) издаде трајно одобрување на 22 октомври за лекот, кој стана единствената специфична терапија за ковид-19 одобрена трајно наместо привремено во САД.

Европа и другите земји исто така привремено го одобрија ремдесивирот од пролетта.

Произведувачот остварува значителен дел од своите приходи со продажба на лекови за СИДА, кои пораснаа за 8 проценти, односно на 4,5 милијарди долари.