Протест кај вилата на Стево Пендаровски, од претседателот се бара „да не амнестира терористи“
Објавено во: Македонија 04 Мај, 2021
Фото: Алсат
Организацискиот совет за протести за политички монтирани случаи преку демонстрација организирана денес пред резидентната вила на претседателот Стево Пендаровски побараа од шефот на државата да не ги штити, како што велат „терористите од 27 април“, пренесува Алсат.
Денешниот протест беше организиран по изјавата на Пендаровски за осудените лица за „27 април“ во која искоментира дека казните на осудените можеби се преголеми и дека обвинението можеби е пренагласено како „тероризам“.
„Денес се собравме пред претседателството, но наидовме на полициски кордон. Се собравме да реагираме против изјавата на претседателот Стево Пендаровски, според која осудениците од 27 април треба да бидат издвоени од поимот тероризам. Претседателот ја прекршил својата заклетва и и служи само на македонската страна. Зошто никогаш не коментираме политички монтирани случаи против Албанци. Се собравме да го повикаме Пендаровски да не ги штити терористите затоа што демократијата не дозволува такво нешто“, рече водачот на протестот.