Протест за Алими: Не може да биде осуден, а Муковски, Василевски и Арнаудов ослободени
Објавено во: Македонија 22 Март, 2019
Фото: Алсат
Граѓаните незадоволни од одлуката на Кривичниот суд за седумгодипната затворска казна за „27 април“ за вработениот во Собранието, Абдифета Алими, почнаа да се собираат на плоштадот Скендербег во Старата скопска чаршија. Демонстрантите, меѓу кои беше синот на Алими и лидерот на Алијансата за Албанците, Зијадин Села, се упатија кон судскиот комплекс за да побараат негово ослободување.
Од таму порачаа дека со овој протест, тие сакаат да допрат до совеста на „конструкторите на една неправда“ и побараа Алими да се врати кај своето семејство.
Во говорот беше кажано дека е парадоксален фактот што вистински виновници биле амнестирани и беа прочитани имињата на Крсто Муковски, Сашо Василевски, Љупчо Димовски, Љубен Арнаудов, Елена Божиновска, Иван Цветановски, Захарија Симовски, Стефан Младеновски, Михаил Младеновски, Илија Славјански и Јохан Тарчуловски.
На протестот беше кажано дека Алими ги спасил Села, Талат Џафери, Зоран Заев и други тогашни пратеници „од соочување со хулиганите“.и случајот беше окарактеризиран како политичка конструкција.
Беше нагласено дека младите се отселуваат токму поради неправдата и дека случајот со Алими ќе се разгледа во Меѓународниот суд за човекови права во Стразбур.