ПРОТЕСТИ НИЗ ШПАНИЈА: Сидникатите бараат намалување на осумчасовната работна недела
Објавено во: Економија 26 Септември, 2024
Во Шпанија денеска на покана на синдикатите ќе се одржат сенародни протести со цел да се постигне договор меѓу владата и бизнис секторот за намалување на работната недела која трае вкупно 40 часа за 2,5 часа.
Работодавците го отфрлаат барањето на синдикатите бидејќи се загрижени за зголемените трошоци, додека социјалистите на шпанскиот премиер Педро Санчез се обидуваат да ги убедат бизнисите да прифатат план за намалување на работната недела, велејќи дека промената ќе доведе до зголемена продуктивност, објави Ројтерс.
Сопствениците на бизниси стравуваат дека предлогот ќе значи дека вработените работат помалку часови за иста плата како порано.
Поранешниот шеф на Европската централна банка, Марио Драги, во извештајот, кој беше направен овој месец за Европската комисија, изјави дека ЕУ мора да го премости јазот во продуктивноста меѓу нејзините членки за да држи чекор со економските ривали - САД и Кина.
Шпанците работат повеќе часови од повеќето Европејци и, според Евростат, просечната работна недела во Шпанија била 36,4 часа во 2023 година во споредба со просекот на ЕУ од 36,1 часа.
Во 2000 година, Франција воведе 35-часовна работна недела, очекувајќи дека тоа ќе доведе до отворање на стотици илјади работни места.
Но, податоците покажуваат дека има зголемување на цената на работната сила и дека компаниите станале помалку конкурентни, наведува британската агенција.
Можеби ќе ве интересира
СРБИЈА ЌЕ ДОБИВА ГАС ОД АЗЕРБЕЈЏАН: За колкава количина се работи?
Свислион затвора продавници „Слатка куќа“ низ Белград и Србија
ЕВН Снабдување – 10 години лидер на слободниот пазар на електрична енергија – стабилен и сигурен партнер за македонските компании
ПО ДЕВЕТМЕСЕЧНО ДИРЕКТОРУВАЊЕ СО НАЈГОЛЕМАТА ВИНАРСКА ВИЗБА - Бранка Славеска повеќе нема да раководи со „Тиквеш“
КИНЕСКАТА ИНФРАСТРУКТУРНА ТРАНСФОРМАЦИЈА: „Катализатор за глобален развој“
„РОЛЕКС“ ПОЧНУВА ДА ПРОДАВА „СЕКНД ХЕНД“ ЧАСОВНИЦИ - еве колку тие ќе чинат
НА ЕВРОПСКАТА АВТОМОБИЛСКА ИНДУСТРИЈА И СЕ ЗАКАНУВА ХАОС: Еве што се случува
ПОВЕЌЕ ОД 40 ТИМОВИ ГИ „ЛОВАТ“ ТРГОВЦИТЕ: Ако згрешат со цените им следат дебели казни
