Прв смртен случај од Ковид-19 во Кина по осум месеци
Објавено во: Свет 14 Јануари, 2021
Кина деновиве бележи најголем скок кај новоинфицираните лица, откако нивниот број скоро се зголеми за три пати во провинцијата Хеjлонгјанг. Властите се загрижени откако е регистриран првиот смртен случај од Ковид-19 после осум месеци.
Загрижени се и здравствените работници, имајќи предвид дека се ближи кинеската Нова година, која е на 12 февруари, а се карактеризира со патувања за да можат сите членови на семејства заеднички да ја слават.
Националната здравствена комисија соопшти дека денес се пријавени 138 нови случаи на коронавирус, наспроти 115 во средата, најголем скок од 5 март, според Ројтерс.
Едно лице почина, што е прв смртен случај во најнаселената земја во светот од средината на мај.