Прв во историјата, каков сигнал праќа протестот на текстилците
Објавено во: Економија 11 Ноември, 2019
За прв пат во историјата текстилните работници кои важат за едни од најексплоатираните го кренаа гласот против газдите. Со протест во кругот на некогашниот гигант штипски Астибо, вработени во неколку помали приватни конфекции побараа подобри услови за работа, но и зголемување на минималната плата.
Важат за работници кои се едни од најслабо платените во земјава, а протестот следуваше по барањата на Кластерот за текстил за кои пишуваше Фактор, а со кои газдите побараа продолжување на работното време за половина час, време кое всушност ќе биде платена пауза.
Фактор пишуваше и за финансиските показатели на фабриките за текстил, а анализата покажа дека имаат ниска профитна маргина.