04 Април, 2020
0.0289

Први жртви работниците: Газдите ги намалуваат платите

Објавено во: Економија 18 Март, 2020

Први жртви на економската криза поради коронавирусот се некои македонски работници. Во дел од домашните компании кои немаат доволно работа поради новонастаната ситуација на вработените им рекле дека ќе им ја намалат платата. Во некои ќе се работи со половина работно време и секако за половина плата.

Работниците се избезумени – најмногу страдаат текстилните работници, вработените во чевларската индустрија и дел од вработените во секторот туризам. Тоа го потврдуваат и експертите.

Од Фајнанс тинк велат дека ефектите од ширењето на коронавирусот за нашата економија се разновидни. Меѓу нив с есекако и отпуштањето на работници. Очекуваат пад на побарувачката за стоки и услуги поради зголемена неизвесност, воздржаност од инвестирање и претпазливо однесување во потрошувачите. Во првиот удар на шокот, побарувачката драстично се намали за услуги во секторите туризам и авиопревоз, но со забраните и ограничувањата на движењето и собирањето во поголеми групи, веќе трпат и редица други услужни дејности

„Ако гледаме краткорочно шокот ќе е главно врз директно погодените сектори. Поради намалениот обем на работа и поради нарушените синџири на понуда и поради значајно намалената побарувачка, нарушената ликвидност е прв сериозен ризик. Потоа, тоа го зголемува ризикот од отпуштање работници првенствено тие со краткорочни договори, намалување на работните часови и на платата. Овие работници ќе мора да ја прилагодат својата потрошувачка на пониската плата, што ќе значи понатамошен пад на побарувачката, велат од Фајнанс тинк.

Додаваат и дека шокот може да се прелее врз другите сектори, поради понатамошно ширење на ефектот од прекинатите синџири на снабдување, општа намалена побарувачка и намалена ликвидност, потоа од затворањето на границите и забраните и укажувањата за намалено патување.

А.Т.

Можеби ќе ве интересира

ММФ и СЗО ОЦЕНУВААТ: Кризата од 2008 е мало дете во однос на светската економија сега

ММФ и СЗО ОЦЕНУВААТ: Кризата од 2008 е мало дете во однос на светската економија сега

ЗА СПРАВУВАЊЕ СО КОРОНА: Одобрени 175,2 милиони евра од ММФ

ЗА СПРАВУВАЊЕ СО КОРОНА: Одобрени 175,2 милиони евра од ММФ

Нема минимална плата од 14.934 денари во наредните три месеци

Нема минимална плата од 14.934 денари во наредните три месеци

Јавните претпријатија започнаа со уплаќање на добивките кон буџетот

Јавните претпријатија започнаа со уплаќање на добивките кон буџетот

АЗЕСКИ НА ЖЕШКА ЛИНИЈА СО КОЛЕГИТЕ ОД РЕГИОНОТ - мора да се отворат транспортните коридори и да стигнат суровините

АЗЕСКИ НА ЖЕШКА ЛИНИЈА СО КОЛЕГИТЕ ОД РЕГИОНОТ - мора да се отворат транспортните коридори и да стигнат суровините

Пауновски: Во Битола запечатени повеќе од 40 кафемати

Пауновски: Во Битола запечатени повеќе од 40 кафемати

Заев објасни што е тоа „чекич и денс“

Заев објасни што е тоа „чекич и денс“

КАКО ЌЕ ПОМАГА ЕК: 100 милијарди евра за да не се отпуштат работниците

КАКО ЌЕ ПОМАГА ЕК: 100 милијарди евра за да не се отпуштат работниците

Седница на отворено: Град Скопје ќе се откаже од дел од најголемите приходи

Седница на отворено: Град Скопје ќе се откаже од дел од најголемите приходи