ПРВО ИМ ПОРАЧА НА СОГРАЃАНИТЕ ДА ИЗДРЖАТ ДОМА, ПОТОА ЗАМИНА ЗА БЕРОВО - генералниот секретар на СДСМ со збунувачки пораки

Добивај вести на Viber

Завчера од својот службен фејсбук профил ги советуваше граѓаните да останат дома за време на овој долг карантински викенд, со цел да се спречи ширењето на коронавирусот, но еден ден потоа, вчера, од приватниот профил ги поздрави со слика од Беровското езеро, каде што тој ги минува карантинските денови. 

Генералниот секретар на СДСМ ја збуни јавноста, откако на 4 јуни ги повика да останат дома, но веднаш потоа тој замина на викенд, во Берово, каде што не важи тридневниот полициски час.

Некои граѓани сметаат дека ова е малку непрмерен гест, од една страна да се повикуваат граѓаните да бидат трпеливи во карантинот, додека тој избега однего, и не остана дома како што порачуваше до поширокото граѓанство.

Еве што напиша Николовски на 4 јуни во 14.07 часот.

„Вирусот КОВИД-19 е реална појава и затоа никој не смее да ја игнорира оваа закана. На тој начин ја загрозува личната и колективната здравствена состојба. Покажавме дека имаме добра стратегија, ефикасните мерки дадоа резултати, но само заедно со граѓаните и со доследно и постојано почитување на мерките за заштита можеме да успееме. Затоа, секој мора да ги почитува сите мерки - во целост. Тие се основна алатка за намалување на ширењето на заразата.

Овој викенд сите да останеме дома со своите семејства. Издржавме и потешки моменти, заедно ќе го поминеме и овој“, порача Николовски.

„Совет од другарка ми - Оди напред. Полека, но сигурно! 
Ви посакувам убав викенд и ве поздравувам од преубавото Беровско езеро!“, пишува генсекот на најголемата владејачка партија.