Пукање во канцеларија на Агенција за национална безбедност
Објавено во: Македонија 06 Декември, 2019
МВР потврди дека вчера попладне во канцеларија на Агенцијата за национална безбедност сместена во полициска станица во Прилеп службеникот З.М.од службен пиштол испукал еден куршум во подот. Од МВР соопштуваат дека инцидентот бил случаен при раздолжувањето со службениот пиштол, а одредени медиуми велат дека агентот бил наводно незадоволен од прераспределувањето кое му било одредено.
При пукањето немало повредени, а е причинета незначителна материјална штета. Одделот за внатрешна контрола, криминалистички истраги и професионални стандарди во содејство со Надворешната канцеларија за криминалистички работи во Прилеп преземаат мерки за расчистувањето на настанот.
„Вработениот во МВР, со иницијали З.М., во просторијата што ја користи Агенцијата за национална безбедност, од службеното оружје, пиштол, испукал еден куршум во подот. Од испукувањето нема поврдени, а е причинета незначителна материјална штета. За случајот известен е јавен обвинител и е извршен увид на местото на настанот“, соопшти министерството.