Путин до Американците - Има кој да ве замени
Објавено во: Економија 12 Ноември, 2017
Рускиот претседател Владимир Путин истакна дека воопшто не е загрижен за жестоките санкции кои еднострано ги наметна Конгресот на САД. Според Путин, руската економија има одлична перспектива бидејќи блокадата за американските фирми кои беа клучни за соработка во повеќе сектори ќе доведе до наоѓање на нивна замена, односно бизнисот ќе се прошири со квалитетни компании од земји кои не се потчинуваат на американските санкции.
„Со забраната за работа на ExxonMobil на Арктикот САД се ограничи себеси од интересен и ветувачки проект кој можеше да ја подигне нивната економија и да создаде повеќе работни места со прометот и повратните даноци“, посочи Путин на АПЕК самитот во Виетнам.
Путин вели дека сите сакаат да работат во Русија така што санкциите и носат штета само на американските бизнисмени. Тој се надева дека односите ќе се подобрат по кризата која се создаде поради обвинувањата за руско мешање на американските претседателски избори.