ПУТИН И ЕРДОГАН ДАДОА ЗЕЛЕНО СВЕТЛО: Се гради третиот блок на турската нуклеарна централа
Објавено во: Балкан 12 Март, 2021
Претседателите на Турција и Русија, Реџеп Таип Ердоган и Владимир Путин, со видео врска го означија почетокот на изградбата на третиот нуклеарен реактор во електраната Акуј, на југот на Турција, со ветување дека ќе продолжат со блиска соработка.
Ердоган рече дека електраната, која ќе има четири реактори, ќе ја воведе Турција во „лигата на земји со нуклеарна енергија“ и ја нарече „симбол на турско-руската соработка“.
Русија ја гради првата нуклеарна централа во Турција на брегот на Средоземното Море во провинцијата Мерсин, на која двете земји потпишаа договор во 2010 година, а изградбата започна во 2018 година.Турција сега е во голема мера зависна од увоз на електрична енергија, а нејзиниот министер за енергетика Фатих Донмез рече дека нуклеарната централа ќе задоволи 10 проценти од домашните потреби.
Ердоган рече дека првиот реактор ќе започне со работа во 2023 година, на стогодишнината од Република Турција.
Турскиот претседател рече дека соработката меѓу Анкара и Москва е клучна и за регионалната стабилност и ги спомена Либија, Нагорно Карабах и Сирија.
Извор-Фото:
Kurir.rs/Beta