Путин и Трамп нема да дозволат Трета светска војна
Објавено во: Свет 20 Април, 2018
Рускиот министер за надворешни работи Сергеј Лавров е убеден дека претседателите Владимир Путин и Доналд Трамп нема да дозволат да дојде до вооружен судир меѓу Русија и САД што брзо може да ескалира во глобален конфликт.
„Доколку ме прашувате за воени судири, 100 проценти сум сигурен дека армиите на двете земји нема да дозволат да дојде до тоа, се разбира, тоа нема да го дозволат ниту Путин ниту Трамп“, изјави тој за РИА новости.
„На крајот, тие се лидери кои го избрал народот. Тие се одговорни за мирот“, додаде Лавров.
Кога станува збор за односите меѓу Русија и САД, кои се на многу ниско ниво, Лавров рече дека има напори за олабавување на јазолот.
Рускиот министер откри дека Трамп во телефонски разговор го повикал Путин во Вашингтон.
Како што рекол американскиот претседател, би му било многу драго да го види Путин во Белата куќа. Лавров рече дека и Трамп со задоволство би се согласил да ја посети Москва.