ПУТИН ИМ ВРАТИ НА СВЕТСКИТЕ ЛИДЕРИ, тоа би била одвратна глетка
Објавено во: Свет 30 Јуни, 2022
Доколку лидерите на Г7 би ја соблекле облеката на самит во Германија, тоа би било „одвратна глетка“, смета рускиот претседател Владимир Путин.
Лидерите на Г7 додека позираа за заедничка фотографија, се пошегуваа околу склоноста на Путин кон фотографии без маица, на што рускиот претседател жестоко возврати.
- Не знам како планирале да се соблечат, над или под струкот - рече Путин пред новинарите при својата посета на Туркменистан, но, според него, „во секој случај тоа би била одвратна глетка“.
Путин потоа ги советуваше лидерите на Г7 дека е потребно вежбање и помалку пиење за постигнување хармонија меѓу телото и душата, јави руската новинска агенција Тасс.
Британскиот премиер Борис Џонсон во неделата, додека седеше заедно со своите колеги, лидери од Г7, праша дали треба на фотографијата да биде со палто.
– Мораме да покажеме дека сме поцврсти од Путин - додаде Џонсон.
Премиерот на Канада, Џастин Трудо тогаш се пошегува дека за тоа би било потребно „да јаваат коњи голи до струкот“, мислејќи на честите пози на Путин за „мачо“ фотографии, како кога јава коњ без маица.
Погледнете го видеото од средбата на лидерите на Г7.