Путин ja очекува најбогатата жетва во историјата, а за Западот вели самиот се казнил
Објавено во: Свет 12 Мај, 2022
Западните земји си штетат самите на себе со санкциите, предизвикаа глобална криза, вели рускиот претседател Владимир Путин.
Вели дека Русија продолжува да работи во тешки надворешни услови. Путин изјави дека инфлацијата во Европа нагло пораснала.
„Во некои земји достигна 20 проценти на годишно ниво. Континуираната опседнатост со санкции ќе има многу страшни и тешки последици за Европската унија и нејзините граѓани, како и за сиромашните земји кои веќе се во опасност од глад“, изјави Путин.
Тој очекува жетва од 130 милиони зрна, од кои 87 милиони тони се пченица.„Ова ќе биде највисоката бројка во руската историја. Ова ќе ни овозможи и да ја задоволиме домашната побарувачка на Русија и да ја зголемиме нашата понуда за нашите глобални партнери“, рече Путин.
Поради војната во Украина, Русија е под санкции. Целта на европските земји беше да ја казнат Русија економски и со тоа да ги ограничат ресурсите за војување. Имаше и прогнози дека Русија ќе доживее банкрот, но тоа не се случи.
Руската валута иако падна во март, сепак се врати во нормала.