ПУТИН НАРЕДИ ДЕЛУМНА МОБИЛИЗАЦИЈА: Говорот што целиот свет го чекаше - „И ние имаме оружје за масовно уништување“
Објавено во: Свет 21 Септември, 2022
Путин нареди делумна мобилизација
Владимир Путин и се обрати на нацијата и прогласи делумна мобилизација.
„На наша страна се бори професионалната руска регуларна армија, како и војници од други земји. Ќе разговараме за чекорите за заштита на нашиот суверенитет, поддршката, волјата и желбата на нашите граѓани сами да одлучат. За прв пат од почетокот на операцијата, ќе кажам дека имаме позитивни реакции, но Западот не е подготвен за мирно решение“, кажа тој.
Путин потврди дека Русија ќе го поддржи референдумот во четири региони на територијата на Украина:
„Ќе поддржиме референдум за луѓето во тие региони да можат слободно да го изразат своето мислење. Мислам дека ова решение е неопходно за да се заштити нивниот суверенитет. Ќе започнеме и делумна мобилизација. Нагласувам - делумна. Ќе почнеме од денеска“, Путин рече, додавајќи:
Vladimir Putin says the aim of the West is to 'weaken and destroy'.
— Sky News (@SkyNews) September 21, 2022
The Russian President has been speaking in a national address.
Follow the latest on Ukraine: https://t.co/PAiZ4D1jU3
Sky 501, Virgin 602, Freeview 233 and YouTube pic.twitter.com/h8za1eDSRo
„Целта на Западот е да ја уништи Русија и да ја принуди да се бори во различни региони. Тие дојдоа до нашите граници и продолжуваат да ги мразат Русите, особено во Украина. Тие одбиваат мирно решение во Донбас, а нашата специјална воена операција беше неизбежна. Моравме да ја исчистиме областа од нацистите и окупаторските сили“, рече Путин на почетокот на својот говор.
Путин изјави дека Западот сака „да ја ослабне, подели и уништи Русија“, тој додаде дека Западот „отворено кажува дека го скршиле СССР во 1991 година, а сега е време да го сторат истото и со Русија“.
Путин конечно предупреди:
„Имаме и оружје за масовно уништување, помодерно од НАТО. Ако треба да го заштитиме нашиот народ, ќе го заштитиме. Не блефирам!“, рече тој.
Фото и Видео: Твитер
Извор: Мондо