ПУТИН, ТВОЈОТ ГОВОР Е ИЗМАМА И СРАМ: И Борис Џонсон со силна осуда кон денешниот чин во Кремељ
Објавено во: Свет 30 Септември, 2022
На говорот на Владимир Путин реагираше Борис Џонсон,
поранешниот премиер на Велика Британија. Тој го опиша говорот на Владимир Путин, кој претходно денеска најави
формална анексија на четири украински територии, како „измама и срам“.
„Владимир Путин, твојот говор е измама и срам. Светот никогаш не смее да ги прифати твоите лажни референдуми или твојот суров и незаконски обид за колонизација на Украина. Ние стоиме со народот на Украина и ќе го поддржуваме без двоумење додека нивната земја не биде целосна и слободна“, напиша Џонсон на Твитер.
Vladimir Putin your speech is a fraud and a disgrace. The world must never accept your sham referendums or your cruel and illegal attempt to colonise Ukraine. We stand with the people of Ukraine and will support them without flinching until their country is whole and free.
— Boris Johnson (@BorisJohnson) September 30, 2022
Во оваа прилика говореа и лидерите на земјите од Европската унија. Лидерите на 27-те земји од европскиот блок „недвосмислено ја отфрлаат и осудуваат“ нелегалната анексија на четири украински окупирани територии. Тоа е незаконско и не дава правни ефекти, рекоа тие.
„Одлучно ја отфрламе и недвосмислено ја осудуваме илегалната руска анексија на украинските региони Доњецк, Луганск, Запорожје и Херсон“, се вели во изјавата на членовите на Европскиот совет, односно шефовите на држави или влади на 27 земји-членки.