РАБОТА НА ТЕРЕН И ПОД ТЕШКИ УСЛОВИ: Рекорден број странци аплицираат за работна дозвола во Словенија
Објавено во: Економија 26 Јануари, 2022
Во Словенија има значително зголемување на бројот на барања за вработување странци во текот на минатата година, а Бирото за вработување соопшти дека во 2021 година биле примени 52.281 барање за работни дозволи, што е најмногу од 2015 година, кога сегашниот систем беше воведен.
Словенија на тој начин го надмина претходниот рекорд од 48.127 барања за работна дозвола примени во 2019 година, кога вработувањето на странци во Словенија беше највисоко во последните години, пренесува СТА.
Се наведува и дека од 52.281 пристигнати барања во текот на 2021 година, одобрени се 46.264, а одбиени 6.017.
Зголемениот интерес на странците за работа во Словенија е последица и на структурната нерамнотежа на пазарот на трудот, при што побарувачката на работодавачите во оваа земја е далеку над сегашната понуда.
Според СТА, странците најмногу се вработени во Словенија во дејности кои се карактеризираат со работа на терен и под тешки услови, како што се градежништво, транспорт, производство, угостителство и земјоделство.
фото: википедија