РАБОТИ КАКО ПЕКАР НА ГРЧКИ ОСТРОВ - за Грујовски во среда втора пресуда

Добивај вести на Viber

Судијката Елена Илиевска Јосифовиќ, во среда, во Кривичниот суд во Скопје, треба да ја изрече по вторпат пресудата за ексначалникот на петтата управа на МВР, Горан Грујевски, кој избега во грција, јавува порталот А1Он.

Денеска во судот обвинителката Ленче Ристоска ги даде завршните зборови.

А Грујевски е обвинет за фалсификување службена исправа. 

Тој беше осуден во отсуство на една година и шест месеци затвор во предметот „Тврдина 2“ за уништување документи, од кои, некои биле поврзани со набавката на опремата за прислушување. Но, Апелација го врати предметот на повторно судење. Шесте службенички вработени во Управата беа осудени на условна казна. 

Речиси 3.000 документи биле уништени во црни кеси за ѓубре во базата на МВР во „Брест“ во близина на селото Петровец. Грујевски избега во Грција заедно со Никола Бошкоски, кога требаше да бидат притворени со одлука на Врховниот суд. 

А во меѓувреме, Грујевски си нашол и работа на грчки остров, велат извори блиски до неговото семејство, објави порталот СДК.мк. Тој работел како пекар во кујна во ресторан на островот, чие име не го кажуваат соговорниците.

Грујевски и Бошкоски се главните обвинети во главниот судски процес на Обвинителството, „Тврдина-Таргет“, за масовното незаконско прислушување, кое траело со години за време на владеењето на ВМРО-ДПМНЕ. Грујевски е обвинет и во „Тврдина 2“ и во „Трезор“.