21 Јануари, 2019
0.2997
    ALK 8300.96    -1.19%     GRNT 825    -1.05%     KJUBI 1543    -2.96%     KMB 5320    -0.58%     MPT 50000    -0.09%     MTUR 5050    -0.98%     OHB 6599.5    -0.01%     OKTA 4500    0%     RZLV 73    2.82%     STB 1244.42    -1.55%     STIL 118    -7.09%     TEL 302    0%     TNB 14989.86    -0.01%     UNI 2145    2.97%

РАБОТНИЦИТЕ СЕ ОХРАБРУВААТ: Од овие градови има пријави за неисплатен К -15

Објавено во: Економија 11 Јануари, 2019

Работници од повеќе сектори од Скопје, Тетово, Делчево, Валандово, Кратово, Штип, Велес се обратиле во Здружението „Гласен Текстилец“, за да реагираат затоа што не добиле К-15, или пак добиле исплата на помал износ од предвидениот, а на некои им е ветено дека истиот ќе го добијат со јануарската плата.

Од „Гласен Текстилец“ им дале насоки и им помогнале за да ги пријават случаите во инспекторат.

„Се јавија работници од маркети, градежни фирми, кожарски и текстилни фирми, кои се жалат за неисплатен К-15. Работниците се охрабруваат и тоа за мене е сатисфакција. За разлика од лани, сега работниците не молчат, се охрабрени да пријават, но во Штип лани имаше подобра исплата на К-15, сега е послабо“, вели Кристина Апмева, од „Гласен Текстилец“.

Граѓаните имаат различни искуства за исплатата на К-15.

„Мојата ќерка ја избрка газдата пред Нова година од работа, но не ѝ исплати К-15. Не знаев каде да пријавам, но откако министерката за труд и социјална политика, Мила Царовска сподели информација на социјалните мрежи, не се двоумам и ќе го пријавам случајот“, вели скопјанка.

На социјалните мрежи има бројни коментари дека работниците добиваат К-15 на сметка, а потоа парите им ги враќаат на газдите во кеш. Постојат и „дупки“ во законот кои овозожуваат работодавецот да ги изманипулира работниците за износот на регресот, особено ако фирмата има лоши финансиски резултати.

Министерката за труд и социјална политика, Мила Царовска ги „чешла“ фирмите кои не исплатиле К-15 на работниците.  Таа деновиве ги повика работниците да пријават доколку не земале К-15.

„Ги повикуваме работниците неисплатата на К-15 и сите други нерегуларности да ги пријавуваат на дежурниот телефонски број на Државниот инспекторат за труд - 15 131. Од почетокот на годината Инспекторатот прави засилени контроли во правните субјекти од сите дејности, вклучувајќи ги и фабриките за производство на текстил и чевли, каде што се забележани голем дел претставки изминатите години“, напиша Царовска на Фејсбук.

Владата деновиве на седница донесе одлука со која ќе се провери како течела исплатата на К-15.

Над 100-тина работници пријавиле неисплатен К-15 за годината 2018-та во Инспекторатот за труд, објави Миле Бошњаковски, портпаролот на Владата.

Проверка на неисплатата на регресот ќе трае и во текот на февруари.

На сметките на сите вработени во приватниот сектор требаше да легнат минимум 9.665 денари. К-15 како обврска се воведе уште во 2014 година.

Сања Атанасовска

Можеби ќе ве интересира

Сакате да живеете во Канада: Таа земја „увезува“ милион работници

Сакате да живеете во Канада: Таа земја „увезува“ милион работници

ФАКТОР НАЈАВУВА: Ексклузивно вкрстено интервју со Анѓушев и Азески

ФАКТОР НАЈАВУВА: Ексклузивно вкрстено интервју со Анѓушев и Азески

Тевдовски: Влезот во НАТО ќе биде катализатор на економскиот раст

Тевдовски: Влезот во НАТО ќе биде катализатор на економскиот раст

Сиромаштијата „не изеде“: Половина милион вработени Македонци живеат со минимални приходи

Сиромаштијата „не изеде“: Половина милион вработени Македонци живеат со минимални приходи

И делчевските тезги полупразни: Пазарџиите не знаат како ќе преживеат ако не се повлече законот

И делчевските тезги полупразни: Пазарџиите не знаат како ќе преживеат ако не се повлече законот

Само во продавниците во Косово: До цената на производот и знамето од земјата на потекло

Само во продавниците во Косово: До цената на производот и знамето од земјата на потекло

Министерството за финансии ангажира нов кадар за „Мини фини буџетчиња“, ќе има и медицинска сестра

Министерството за финансии ангажира нов кадар за „Мини фини буџетчиња“, ќе има и медицинска сестра

Власта се повлече од законот за пазарџиите, ќе се работи на нов

Власта се повлече од законот за пазарџиите, ќе се работи на нов

Анѓушев: Сите избори негативно влијаат врз економијата

Анѓушев: Сите избори негативно влијаат врз економијата