Радев чека решавање на отворените прашања
Објавено во: Македонија 06 Јануари, 2022
Бугарскиот претседател Румен Радев верува оти сите ветувања и заложби на Македонија за спроведување на билатералниот договор ќе бидат исполнети со цел да се забрза процесот на нејзината европска интеграција, јави дописникот на МИА од Софија.
Сепак, Радев, паралелно со тоа, изрази очекување дека „ќе се решат сите отворени прашања, како што се гарантирањето на уставните гаранции за правата на македонските Бугари, откажувањето од говорот на омраза, завршувањето на процесите на дебугаризација, на фалсификувањето на нашето милениумско културно-историско наследство што ќе помогнат и ќе го забрзаат процесот за да можеме да ја отвориме вратата за преговори за членство на земјата“.
Наскоро бугарскиот премиер Кирил Петков ќе дојде во Македонија.
Тој најавува дека датумот на неговата прва посета најверојатно ќе биде 18-ти јануари. Во интервју за ТВ Блумберг, како што јави дописникот на МИА од Софија, Петков вели дека со македонскиот колега Димитар Ковачевски сакаат да создадат сосема поинаква рамка за разговорите.