РАДЕВ ЗА КОЧНИЦАТА ЗА МАКЕДОНИЈА: Tоа се логични последици од она што се случува во Скопје и Тирана
Објавено во: Македонија 27 Септември, 2024
Бугарскиот претседател Румен Радев за одлуката на Европската Унија(ЕУ) да преговара за прием на Албанија вели дека тоа се логични последици од она што се случува во Скопје и Тирана.
Радев ја дефинира одлуката на Европската Унија за почеток на пристапните преговори со Албанија, но не и со Република Северна Македонија, како логични последици на она што се случува во Скопје и Тирана и на политиката на Владата на Северна Македонија и патот што го избраа, пренесува „БНР.бг“. Според Радев, власта во Скопје оди во спротивна насока на евроинтеграциите.
„Преговарачката рамка од 2022 година многу јасно кажува дека кога РСМ ќе ги запише Бугарите во Уставот, дури тогаш ќе почнат преговорите за пристапување“, изјави Радев.
Премиерот Христијан Мицкоски вчера рече дека уште кога бил во посета на Брисел, било најавено дека, најверојатно, Албанија ќе ги почне преговорите и ќе се одвои од нашата земја. Maкедонија не ги внесе Бугарите во Уставот. Бугарија често се повикува на преку 100.000 пасоши кои Македонците ги извадија од економски причини за да работат во европските земји. Грција го тргна ветото за Албанија и дозволи таа да оди напред.