28 Март, 2024
0.0312

РАФАЈЛОВСКИ ЗА ФАКТОР: Требаат минимум две милијарди евра за да излеземе од кризата

Објавено во: Финансии 27 Март, 2020

Добивај вести на Viber

Доколку сака вистински да му помогне на стопанството за полесно да излезе од корона-кризата, Владата треба да се задолжи за најмалку две милијарди евра, вели за Фактор бизнисменот Горан Рафајловски.

Според него, од овие две милијарди евра, една милијарда треба да се намени за здравствениот сектор и за администрацијата, со цел тие добро да одговорат на сериозните предизвици што ги наметна ширењето на вирусот.

Втората милијарда, пак, би требало да му се даде на реалниот сектор.

„Никој не вели дека овие пари на фирмите треба да им се дадат како „честење“, односно неповратно. Тоа никој не го бара и не го очекува. Овие пари треба да им се дадат на компаниите како кредити, и тоа со ниска камата и со долг рок на отплата. Односно, ако тие средства Владата ги земе преку поволен заем, со например 0,5 отсто камата и со рок на враќање од 15 години, фер би било и државата тие пари да им ги направи достапни на фирмите со иста камата од 0,5 отсто и со рок на отплата од околу 10 години“, објаснува Рафајловски.

Според него, од таа една милијарда евра, за периодот на враќање од 10 години, најверојатно би пропаднале 20 до 25 проценти, односно околу 250 милиони евра, бидејќи дел од фирмите ќе имаат тешкотии и нема да имаат од каде да ги враќаат парите, а за дел постои веројатност дека би се дале на „погрешни“ фирми.

„Но, како епилог на ова ќе биде дека целото стопанство ќе успее да опстои и да излезе од кризата, по што ќе биде подготвено да се развива. А тоа е најбитно за државата, бидејќи само стопанството е она што го полни буџетот“, вели Рафајловски.

За средствата од 5,7 милиони евра што ќе се даваат во форма на бескаматни кредити преку Развојната банка, Рафајловски смета дека се сосема недоволни.

„Со тие пари не можат ни да се покријат ниту загубите во угостителството, а не пак во другите сектори. Еве направете пресметка, таму се загрозени 30 илјади работни места. Ако тоа го помножиме со бруто плата од еве просек 500 евра, тоа е 15 милиони евра само за еден месец. За три месеци, пак, износот е 45 милиони евра, што значи дека оваа кредитна линија ни оддалеку не е доволна“, објаснува Рафајловски.

Овој бизнисмен смета и дека власта треба да размисли да прогласи мораториум на сите давачки за извесен кус период, па дури и на ДДВ, со цел барем малку да им се ублажат тешкотиите на фирмите и на граѓаните.

Н.Н.Ф.

Можеби ќе ве интересира

Народната банка и гувернерката Ангеловска-Бежоска избрани од ЕБОР за водачи на проектот за женско претприемаштво во нашата земја

Народната банка и гувернерката Ангеловска-Бежоска избрани од ЕБОР за водачи на проектот за женско претприемаштво во нашата земја

Потрошувачки кредит на вашата сметка, додека уживате во топло кафе

Потрошувачки кредит на вашата сметка, додека уживате во топло кафе

БЕРЗИТЕ ИМАЛЕ ПОДОБРИ ДЕНОВИ: Намалување на индексите на Волстрит, S&P 500 во загуба трет ден по ред

БЕРЗИТЕ ИМАЛЕ ПОДОБРИ ДЕНОВИ: Намалување на индексите на Волстрит, S&P 500 во загуба трет ден по ред

ЗАМИНУВАЊЕТО НА ШЕФОВИТЕ ПОЗИТИВЕН СИГНАЛ ЗА ИНВЕСТИТОРИТЕ - Акциите на Боинг растат по промената на раководството на компанијата

ЗАМИНУВАЊЕТО НА ШЕФОВИТЕ ПОЗИТИВЕН СИГНАЛ ЗА ИНВЕСТИТОРИТЕ - Акциите на Боинг растат по промената на раководството на компанијата

СЕ ОГЛАСИ КОМЕРЦИЈАЛНА ПО ПРОДАЖБАТА НА ИМОТОТ НА ЕУРОНИКЕЛ - остануваме посветени да се наплатат доверителите и вработените, должниците веднаш да си ги платат обврските

СЕ ОГЛАСИ КОМЕРЦИЈАЛНА ПО ПРОДАЖБАТА НА ИМОТОТ НА ЕУРОНИКЕЛ - остануваме посветени да се наплатат доверителите и вработените, должниците веднаш да си ги платат обврските

Доларот зајакна по најавата за намалување на каматните стапки

Доларот зајакна по најавата за намалување на каматните стапки

ПОМАЛИ ТРОШОЦИ ЗА ПРЕКУГРАНИЧНИ ТРАНСАКЦИИ СО ПРИСТАП КОН СЕПА - со законски измени до побрз пристап

ПОМАЛИ ТРОШОЦИ ЗА ПРЕКУГРАНИЧНИ ТРАНСАКЦИИ СО ПРИСТАП КОН СЕПА - со законски измени до побрз пристап

КИНЕСКОТО ЧУДОВИШТЕ ЗА ОНЛАЈН ШОПИНГ СТАНУВА СЕ ПОГОЛЕМО:„Амазон е на стероиди!“

КИНЕСКОТО ЧУДОВИШТЕ ЗА ОНЛАЈН ШОПИНГ СТАНУВА СЕ ПОГОЛЕМО:„Амазон е на стероиди!“

КОЈ ПЛАТИ 753 ИЛЈАДИ ЕВРА ЗА АКЦИИ НА СТОПАНСКА БИТОЛА ВО ЕДЕН ДЕН - има ли ова поврзаност со најавеното припојување кон Комерцијална банка

КОЈ ПЛАТИ 753 ИЛЈАДИ ЕВРА ЗА АКЦИИ НА СТОПАНСКА БИТОЛА ВО ЕДЕН ДЕН - има ли ова поврзаност со најавеното припојување кон Комерцијална банка