Ракета од Појасот Газа заврши на израелска територија
Објавено во: Свет 25 Ноември, 2019
Израел соопшти дека е истрелана ракета од Појасот Газа, при што е прекршено примирјето.
Овој инцидент се случува за помалку од две недели откако прекинот на огнот ги запре непријателствата меѓу Израелците и Палестинците.
Нема податоци за штети или повредени. Повеќе од десет Палестинци се повредени во напади на Израелците во текот на викендот за време на аџилак на евреите во градот Хеброн на Западниот Брег.
Претходно овој месец, во израелски воздушен напад беше убиен еден од командантите на милитантната група Исламска џихад, по што беа испукани стотина проектили од Појасот Газа.
Во израелските напади потоа загинаа најмалку 34 Палестинци, меѓу кои и 16 цивили.
Примирјето е договорено со посредство на Египет и Обединетите нации.