РАНГИРАЊЕ НА АМЕРИКАНСКО СПИСАНИЕ: Македонија позиционирана пред три скандинавски држави како добра дестинација за пензионери

Добивај вести на Viber

Американско бизнис списание CEOWorld ја стави Македонија пред три скандинавски држави на листата Најдобри земји во светот за пензионирање за 2025 година.

Анкетното истражување во кое се опфатени 80 земји е спроведено во јануари и во март годинава со 126.000 испитаници.

Македонија се најде на 56 место со 46,22 поени од можни 100. Зад неа се Данска (57 место), Холандија (58), Летонија (62), Унгарија (66.), Норвешка (67), Романија (68), Финска (72), Словачка (73). Од земјите во регионот Словенија е на 11 место, Грција е 20, Бугарија (36), Црна Гора (41), а Хрватска е на 55 место.

На врвот на рангирањето е Нов Зеланд со 71,78 поени, познат по своите прекрасни природни пејзажи, висок квалитет на живот и гостопримливи луѓе.

На второто место, Луксембург се издвојува по својата робусна економија, одличен здравствен систем и повеќејазична култура. На третото место е Швајцарија, позната по своите прекрасни планински пејзажи, исклучителен квалитет на живот и неспоредливи јавни услуги, што ја прави врвен избор за пензионери кои бараат луксуз и удобност.

На четвртото место е Канада, пофалена за нејзиното инклузивно општество, разновидни градови и прекрасна природна околина.

Грузија, Непал и Катар се последните три на листата.