26 Септември, 2021
0.0205

Ранко „Бубамара“ го обвини градоначалникот на Карпош: Се расфрлаат големи пари, а детските игралишта личат на археолошко наоѓалиште

Објавено во: Македонија 26 Мај, 2021

Ранко Петровиќ, сопственикот на радио Бубамара, јавно го обвини градоначалникот на скопската општина Карпош за детските игралишта во општината, кои според него се крајно небезбедни.

Објавувајќи фотографии од игралиште од Трнодол, населбата каде што тој живее, Петровиќ на Фејсбук напиша:

-Безбедноста на детските игралишта во Општина Карпош и Скопје е на најниско ниво. Општина Карпош и Стефан потрошиле околу 500.000 евра за одржување на спортски и детски игралишта во изминативе 4 години, а игралиштата личат на археолошко наоѓалиште со сите рѓосани и промашени реквизити кои се поставувани во периодот од Стефче до Стефан. Жално е да се трошат и расфрлаат големи пари , а да се нема барем малку љубов и одговорност кон децата и нивната безбедност.

Ставаат нови реквизити, а старите исечени делови ги оставаат да рѓосуваат во песокот, не прикажуваат сметки колку е потрошено за кој реквизит, гаранција, одговорност ни увид за безбедност на игралиштата. Фотографиите се од населба Трнодол “, напиша сценаристот на познатата манифестација „Златна Бубамара на популарноста“.

Според него, чудно е како приватните училишта и игротеки имаат поубави и побезбедни игралишта од оние , како што вели прескапо платени општински оази за детска игра. Петровиќ за „Фактор“ изјави дека општинарите се фалат оти дали огромни пари за одржување на игралиштата, но тој смета дека состојбата е ризична и тие не се безбедни за децата.

-Се фалат преку општинска страна дека огромни пари се даваат за одржуваање на детски игралишта (преку 520.000 евра за 3 години) , а ние како граѓани секаде гледаме дека состојбата на детските игралишта е катастрофална и ризична, а сега дознавме и дека одржувањето на годишно ниво било и поскапо од набавка на нови реквизити како за детски така и за спортски игралишта.

Замислете како би било кога во вашиот двор би поставувале детски реквизити или саделе трева, а би оставиле 30 рѓосани плочи, арматура и шрафови низ дворот и плус на тоа би му давале премногу пари на мајсторот само за фарбање и мали поправки. Оваа година ќе ја заокружат на 1 милион евра само за одддржување на игралишта , што се за жл неверојатно многу многу пари ...“, ни изјави Петровиќ.

По објавата на фотографиите на социјалните мрежи и изјавата од сопственикот на радио „Бубамара“, побаравме изјава од градоначалникот Богоев. Тој и неговиот тим не одговорија на нашата порака и на прашањата дали се безбедни новите игралишта во општина Карпош, и дали е во план отстранување на старите реквизити од игралиштата кои се објавени на фотографиите на Петровиќ?  

(М.Џ.)


Можеби ќе ве интересира

МЛАДО МОМЧЕ ОД ДЕЛЧЕВО ПОЧИНА ОД КОВИД КОМПЛИКАЦИИ ВО ГЕРМАНИЈА: Најблиските на 32-годишниот Гоце молат за помош за транспорт на телото

МЛАДО МОМЧЕ ОД ДЕЛЧЕВО ПОЧИНА ОД КОВИД КОМПЛИКАЦИИ ВО ГЕРМАНИЈА: Најблиските на 32-годишниот Гоце молат за помош за транспорт на телото

ЗА ПОВЕЌЕ ОД ПОЛОВИНА СКОПЈАНИ СОСТОЈБАТА ВО ГРАДОТ Е ПОДОБРЕНА: Анкета на Агенција Рејтинг

ЗА ПОВЕЌЕ ОД ПОЛОВИНА СКОПЈАНИ СОСТОЈБАТА ВО ГРАДОТ Е ПОДОБРЕНА: Анкета на Агенција Рејтинг

ШАНСА ЗА ЦЕНТАР: Поранешна „Треска“ ја зафати пожар, ако изгоре ќе биде идеална ситуација за урбаната мафија

ШАНСА ЗА ЦЕНТАР: Поранешна „Треска“ ја зафати пожар, ако изгоре ќе биде идеална ситуација за урбаната мафија

КОВИД СТАТИСТИКА: Нови позитивни на вирусот 392, од компликации на ковид починаа 17 пациенти

КОВИД СТАТИСТИКА: Нови позитивни на вирусот 392, од компликации на ковид починаа 17 пациенти

ДЕНЕСКА БЕВ ДОМАЌИН НА ПОПИШУВАЧИТЕ: Лидерот на ДУИ, Ахмети се попиша, апелира сите да го сторат тоа

ДЕНЕСКА БЕВ ДОМАЌИН НА ПОПИШУВАЧИТЕ: Лидерот на ДУИ, Ахмети се попиша, апелира сите да го сторат тоа

СО БУГАРИЈА МОЖНО Е ПРИДВИЖУВАЊЕ ПРЕД БОЖИК, ВО ДЕКЕМВРИ: Заев за австриски Стандард

СО БУГАРИЈА МОЖНО Е ПРИДВИЖУВАЊЕ ПРЕД БОЖИК, ВО ДЕКЕМВРИ: Заев за австриски Стандард

ВЧЕРА СЕ ВАКЦИНИРАЛЕ 6.897 ГРАЃАНИ: Прва доза од вакцината против ковид примиле само 1.717 граѓани

ВЧЕРА СЕ ВАКЦИНИРАЛЕ 6.897 ГРАЃАНИ: Прва доза од вакцината против ковид примиле само 1.717 граѓани

ЗАЕВ: Не мислам да го разрешам Филипче заради писмото на хирурзите од ГОБ „8 Септември“

ЗАЕВ: Не мислам да го разрешам Филипче заради писмото на хирурзите од ГОБ „8 Септември“

ФАШИЗМОТ ОСТАНУВА И НЕМА ДА БИДЕ ОТСТРАНЕТ НИТУ ЕДЕН СПОМЕНИК: Заев за разликите меѓу нацистичка и сегашна Бугарија

ФАШИЗМОТ ОСТАНУВА И НЕМА ДА БИДЕ ОТСТРАНЕТ НИТУ ЕДЕН СПОМЕНИК: Заев за разликите меѓу нацистичка и сегашна Бугарија