12 Јули, 2020
0.0202

Рапидно се зголемува продажбата на оружје за самоодбрана во Унгарија

Објавено во: Свет 24 Март, 2020


Унгарците масовно купуваат оружје за самоодбрана, плашејќи се од можен хаос доколку се појават сериозни недостатоци во снабдувањето на основните потреби и во контролата на државниот ред и поредок..

Питер Ростас не сака да има причина да го користи гасниот пиштол што го купил, но овој млад унгарски татко на едно дете не сака да го преземе ризикот кој го носи епидемија на вирусот корона, бидејќи се плаши дека може да се разбуди најлошото кај некои луѓе, пренесува Ројтерс.

„Тоа е претпазливост“, рече 33-годишниот Ростас, додека застана во редот пред малата продавница во Будимпешта што продава оружје за кое не беше потребна лиценца.

„Претпочитам да се смеам на сето ова подоцна отколку да се најдам во конфликтна ситуација каде што ќе имам само метла“, додава Ростас.

Во последните неколку недели Унгарците сè повеќе се обидуваат да се вооружат за заштита, плашејќи се од можен хаос доколку се појават сериозни анархични дејанија поради коронарна пандемија на вирусот.

Контролата на оружјето е строга во Источна Европа, како и остатокот од континентот, но побарувачката за малокалибарско оружје расте поради се поголемата анксиозност во регионот, како резултат на зголемената вознемиреност поради КОВИД-19.

И чешката асоцијација на производители на оружје соопшти дека сопствениците на продавници забележале зголемена побарувачка и двоцифрени бројки на раст на продажбата.

Во Чешката Република и Унгарија, околу 300 000 луѓе имаат лиценци за оружје, а двете држави имаат по околу 10 милиони жители. За некои лесни оружја дури не се ни потребни лиценци.

„Ние продаваме пет пати повеќе од вообичаеното во март“, рече Габор Вас, кој работи на три продавници со пиштоли во унгарската престолнина.

„Можевме да продадеме 15 пати повеќе ако имавме повеќе пиштоли на гумени куршуми, но се распродадовме“.

Продавницата, која е нешто поголема од вообичаена мобиларница и се наоѓа во приградски трговски центар на периферијата на Будимпешта, не може да прими голем број клиенти. Но, минатата недела донесе толпа луѓе од сите сфери на животот.

Унгарија има регистрирано 167 случаи на заболени од корона вирусот и седум смртни случаи, но премиерот Виктор Орбан смета дека вистинскиот број е веројатно многу поголем.

Ростас стравува дека недостатокот на храна може да доведе до насилство, иако унгарската влада инсистира на тоа дека тоа нема да се случи. Но, тој е скептичен.

„Ако луѓето сега расправаат за тоалетна хартија, што ќе направат подоцна? Штом продавниците ќе останат без снабдување, луѓето ќе го грабаат она што им е потребно. Полицијата тешко може да се справи со секоја кражба“, рече тој.

„Не планирам да убивам никого, но охрабрувачки е да имам оружје дома“, додава тој

Вас, сопственик на продавницата за пиштоли, рече дека дури и малите пиштоли за кои не е потребна дозвола би биле многу опасни во погрешни раце, бидејќи дури и гасните пиштоли можат да бидат смртоносни од блиско растојание, но интересот не завршува тука.

„Луѓето полудеа“, рече тој.

„Тие купуваат сè за што не е потребна лиценца. Гасни пиштоли, пушки со гумени куршуми, па дури и работи како самострел што можат сериозно да ве повредат“.

Продажбата на оружје и муниција, исто така, се зголемија во САД во врска со стравувањата од социјален крах бидејќи пандемијата се влошува.


Можеби ќе ве интересира

ЕВЕ КОИ ЗЕМЈИ НАЈДОБРО СЕ БОРЕА - но короната се враќа и не се знае кога ќе замине

ЕВЕ КОИ ЗЕМЈИ НАЈДОБРО СЕ БОРЕА - но короната се враќа и не се знае кога ќе замине

Ердоган нема да чека долго, на 24 јули во Аја Софија почнуваат молитвите

Ердоган нема да чека долго, на 24 јули во Аја Софија почнуваат молитвите

ИЗГЛЕДА НЕМА НИШТО ОД ИМУНТЕТОТ НА СТАДО - тешко дека вирусот ќе биде искоренет наскоро

ИЗГЛЕДА НЕМА НИШТО ОД ИМУНТЕТОТ НА СТАДО - тешко дека вирусот ќе биде искоренет наскоро

НЕ САМО ВТОР, ЌЕ ИМАМЕ И ТРЕТ БРАН ОД КОВИД-19 - предвидувања на германски виролог

НЕ САМО ВТОР, ЌЕ ИМАМЕ И ТРЕТ БРАН ОД КОВИД-19 - предвидувања на германски виролог

Научниците ќе дадат одговор како вирусот од животни се пренел на луѓе

Научниците ќе дадат одговор како вирусот од животни се пренел на луѓе

Кина обвини, а Казахстан демантира дека кај нив се шири болест поопасна од короната

Кина обвини, а Казахстан демантира дека кај нив се шири болест поопасна од короната

СЗО ПРИЗНА: Вирусот се пренесува преку воздух во ресторани и спортски сали, но потребни се уште истражувања

СЗО ПРИЗНА: Вирусот се пренесува преку воздух во ресторани и спортски сали, но потребни се уште истражувања

(ВИДЕО) ТАА Е ХЕРОЈ: Meдицинска сестра им свири на виолина на заразените од коронавирусот

(ВИДЕО) ТАА Е ХЕРОЈ: Meдицинска сестра им свири на виолина на заразените од коронавирусот

Ширењето на коронавирусот е надвор од контрола, алармира СЗО

Ширењето на коронавирусот е надвор од контрола, алармира СЗО