Рашковски објави фотографии: „Доџ вајперот“ му бил „канта“

Добивај вести на Viber

Семејството на поранешниот владин генерален секретар Драги Рашковски објави фотографии наводно од автомобилот „доџ вајпер“ за кој Државната комисија за спречување на корупција тврди дека вреди најмалку 50.000 евра. Од таму бараат од Антикорупциска да го наведе името на градежната компанија преку која посредно сопругата на Рашковски го добила возилото како подарок.

– Како орган чија основна задача треба да е откривање на незаконски дејствија со цел да се спречи корипцијата, вие си земавте за право да изнесувате еклатантни невистини и притоа да обвинувате за наводно сторено кривично дело, при тоа самите вршејки кривично дело согласно член 366 од Кривичниот законик. Доколку сте ги собрале документите за кои тврдите дека ги имате, тогаш многу добро знаете дека никој од никаква фирма нема добиено автомобил на поклон.

Секој човек има име и презиме, секој настан има време и место.

Затоа, бараме од Вас, јавно да ги објавите сите документи до кои сте дошле со кои се потврдува евентуалното незаконско дејствие.

Бидејки никој не беше повикан на јавната седница, бараме јавно да одговорите и да доставите докази“, гласи писмото на семејството на поранешниот владин функционер

Рашковски бара од ДКСК јавно да го објави документот доколку постои и доказ дека автомобилот вреди 50.000 евра. Се бара документиран доказ дека Рашковски соработувал со градежната компанија од Гостивар. 

„Ваквите паушални обвинувања фрлаат сомнеж дека намерата е да се наштети на нечија личност, а не на остварување на надлежностите на Вашата институција. Само преку објавување на документите и другите факти може да ги покажете вашите чесни намери. Се друго е замајување на јавноста“, стои во дописот до комисијата.