РАСКОЛ: Сопартијци ќе го убедуваат Каменос дека Преспанскиот договор е добар

Добивај вести на Viber

Пратеници од Независни Грци ќе го убедуваат лидерот Панос Каменос дека Договорот од Преспа е корисен. 

Танасис Папахристопулос и Костас Зурарис во одделни интервјуа за грчките медиуми открија дека не се на иста линија со нивниот претседател, кој не го прифаќа решението меѓу Македонија и Грција и најави дека „ќе направи сѐ, договорот да не дојде во грчкиот парламент“. Папахристопулос смета дека договорот задоцнил, а Зурарис иако е против, смета дека Независни Грци нема да биде потребно да ја турнат владата, бидејќи за ратификација ќе има доволен број пратеници од другите партии.

Независни Грци има седум пратеници во грчкиот парламент, а коментарите во грчките медиум се дека партијата коалиционен партнер во владата е поделена во два табори. 

„Претендираме да ги убедиме и Панос Каменос и неговите пратеници за корисноста на Договорот од Преспа и верувам деке ќе го постигнеме тоа, а грчкиот Парламент ќе го ратификува овој договор“- вели министерот за дигитална политика на Грција, Никос Папас во интервју за грчкото радио „Њуз 247“.

Папас вели дека во изминатите години „соработката со Каменос се покажала пофункционална од тоа што многумина мислеле“ и изразува увереност дека Договорот од Преспа ќе добие мнозинство во грчкиот Парламент.

Тој објасни дека со прифаќањето на Договорот од Преспа на референдумот ќе „се даде можност и во Грција да се намали степенот на недоверба“.

Како што јави дописничката на МИА од Атина, Никос Папас, рече дека „не може да замисли партијата Река да влезе во предизборни пазарења со Нова демократија и да ја промени позицијата во однос на македонското прашање“.

Во овој момент најверојатно сценарио е дека референдумот ќе помине, така се чини, но не сум жител на ПЈРМ за да знам, вели поранешната министерка за надворешни работи на Грција, Дора Бакојани во интервју за грчкото радио „Њуз247“