РАСТ: Дури една третина од граѓаните кои имаат интернет купуваат он-лајн
Објавено во: Економија 29 Мај, 2020
За 11,7 проценти се зголемиле вкупните плаќања во 2019 година, а има раст и на користењето на платежните картички, информираа од Народната банка. Во Годишната информација за плаќањата во 2019 година стои и дека е забележан поизразен раст на користењето на платежните картички, со што нивното учество во вкупните плаќања се зголеми и се изедначи со учеството на плаќањата преку кредитни трансфери.
„Според платежната статистика за минатата година, плаќањата со картички стануваат сè поприсутни во секојдневното купување на производи и услуги. Податоците покажуваат дека продолжува интензивниот раст на плаќањата во трговијата со платежни картички и на годишна основа во 2019 година изнесува 20,7%. Воедно, се зголемува и бројот на трансакции на физичките места на продажба со 20,4%, но уште посилно растат плаќањата со картички на интернет со 29%, на годишна основа. Притоа, процентот на население во земјата кое купува преку интернет се зголемува постојано и минатата година достигна 29% од населението кое користело интернет, стои во соопштението од Народната банка