Добивај вести на Viber
Македонската економија е практично во стагнација, сметаат економистите и аналитичарите.
По веста дека ММФ ја намали проекцијата за економскиот раст на 3,2 отсто, неколку прашања легитимно се поставуваат. Дали е ова доволен раст, и дали нема да има и натаму надолна ревизија на растот со оглед на тоа што политичката криза не е при крај, туку веројатно уште долго ќе се препелкаме.
„Ние комплетно стагнираме, Македонија за да тргне напред треба најмалце пет години по ред стапката да порасне за 10 проценти. Прво ќе се одрази врз сиромаштијата бидејќи оние кои работат за плата веќе нема да можат да очекуваат редовни примања, ќе се одрази и на ликвидноста на стопанството“, велат дел од аналитичарите.
Може да биде доста полошо, ако кризата потрае и во наредните две до три години, сметаат аналитичарите.
Според проекциите на монетарците пред Македонија е Албанија со раст од 3,7 %, Косово од 3,5 % , Црна Гора со 3,3 %. Србија и Босна и Херцеговина годинава ќе ја завршат со раст на БДП од 3 проценти, додека најнизок Бугарија и Хрватска со 2,9.