Раст на јавниот долг, за колку е набилдан годинава?
Објавено во: Финансии 03 Август, 2018
Јавниот долг на државата на крајот на првото полугодие изнесувал 5,14 милијарди евра што е 47,7 отсто од предвидениот БДП за годинава, објави Министерството за финансии. Долгот пораснал и на квартално и на годишно ниво. Во истиот период државниот долг изнесува 4,3 милијарди евра или 39,9 проценти од проектираниот БДП.
Според податоците, ако се споредува со крајот на минатата година или само оваа, државниот долг пораснал за 0,6 проценти, додека јавниот долг се зголемил за 0,2 процентни поени. Во јавниот долг влегуваат и долговите на јавните претпријатија и долгот кој државата го гарантира за државните друштва. На крајот на 2017 година вкупниот јавен долг бил 47,6 отсто од тогашниот БДП, додека своевидниот рекорд е во 2016 година кога јавниот долг изнесуваше 48,5 отсто од БДП. Во сума секако долгот има нагорен тренд.
Македонија ја издаде во јануари годинава шестата еврообврзница во вкупен износ од 500 милиони евра, со рок на достасување од седум години и камата од 2,75 отсто. Тие пари државата ги користи за покривање на буџетскиот дефицит, да ги плаќа редовните буџетски потреби, но и да враќа стари долгови. Владата се задолжува и дома, а од Министерството за финансии велат дека се фокусираат на долгорочни хартии од вредност. Во април беше издадена и 30-годишна државна обврзница.
Во последните десет години јавниот долг на земјава значајно се зголеми. Во 2008 година беше 23 отсто од БДП и од тогаш е во постојан раст. Познавачите немаат дилема дека задолжувањата не се опасни единствено ако парите се потрошени за проекти кои би носеле иден раст. Македонското искуство за сега не е такво.
A.T.Можеби ќе ве интересира
„ВО ХРВАТСКА СЕ СЀ НАПЛАЌА, ДУРИ И ТУШОТ НА ПЛАЖА“: Сместувањето рипна на 90 евра од ноќевање, сезоната се уште не е започната, а многумина предвидуваат пропаст
ГОТОВО Е: Познат е датумот кога ќе заврши „копањето“ на биткоин
ОСНОВНАТА КАМАТА ОСТАНУВА ВИСОКА ДО СМИРУВАЊЕ НА ИНФЛАЦИЈАТА - Народна банка: „нивото сѐ уште е над историскиот просек“
„БЕЗ ТРАНСПАРЕНТНОСТ И ОТЧЕТ СЕ ТРОШАТ ОКОЛУ 10 МИЛИОНИ ЕВРА ЗА НАБАВКИ ВО УЧИЛИШТАТА СО ПАРИ ОД РОДИТЕЛИТЕ“: Истражување на Центарот за граѓански комуникации
СО ВАКВА ЗАРАБОТКА САМО НЕБОТО Е ГРАНИЦА: Еве како работеше Белград на вода во 2023 година
ДОБРО РАЗГЛЕДАЈТЕ ГИ МОНЕТИТЕ ОД ДВЕ ЕВРА ШТО ГИ ИМАТЕ ДОМА: Можеби имате вредна паричка од пет илјади евра, а тоа не го знаете
ВО ИНТЕРВЈУ ЗА ЈУТАРЊИ, ЖИВКО МУКАЕТОВ ОТКРИВА: „Во Хрватска се отвара уште една фирма, за деловните активности на ‚Алкалоид' во Европа“
„ГИ УЧАМ ДЕЦАТА НА НАЈБОГАТИТЕ ЛУЃЕ ВО ДУБАИ“: „Ме плаќаат 3.000 долари за да напишам домашна задача“
ОВА Е НАЈМИСТЕРИОЗНИОТ МИЛИОНЕР НА СВЕТОТ: Ниту портирот во неговата фирма не го познава!
