Растат платите во Србија, просечната се искачи на 550 евра
Објавено во: Економија 26 Октомври, 2021
Во соседна Србија, просечната плата се искачи на 550 евра. Статистиката покажува дека платите пораснале во однос на лани. Просечната нето-плата по вработен во август 2021 година била 64.639 динари (550 евра) и е номинално повисока за 10,5 отсто, а реално повисока за 5,9 отсто во однос на истиот месец минатата година, објави Републичкиот завод за статистика на Србија.
Бруто-платата по вработен во август изнесувала 89.202 динари. Ова се економските резултати кои често ги споменува претседателот Александат Вучиќ кој во повеќе наврати истакна дека порано беа зад Црна Гора, а сега веќе се пред неа по висината на платите.