Расте бројот на новоотворени конзулати во Дакла - потврда на суверенитетот на Кралството Мароко врз Мароканска Сахара
Објавено во: Свет 07 Април, 2021
На 5 април 2021 година, во присуство на Министерот за надворешни работи, африканска соработка и иселеници на Кралството Мароко, Насер Бурита и неговиот колега од Република Сенегал, Аисата Тал Сал, Министер за надворешни работи и сенегалски иселеници, беше отворен Генерален конзулат на Република Сенегал во Дакла, во регионот на Мароканска Сахара. Конзуларното претставништво на Република Сенегал во Дакла е 22 од овој тип отворено во Мароканска Сахара, што се толкува како неспорно признавање на мароканскиот суверенитет на Сахара од страна на сите овие земји.
Сенегал е осма држава во Економската заедница на западноафриканските држави (ECOWAS), што го отвори својот генерален конзулат во Мароканска Сахара заедно со Буркина Фасо, Брегот на Слоновата Коска, Гамбија, Гвинеја, Гвинеја Бисао, Гвинеја и Екваторијална Гвинеја. Притоа, мнозинството држави од 15те членки на ECOWAS имаат дипломатско претставништво во Мароканска Сахара.
Отворањето на овие дипломатски претставништва во Мароканска Сахара е истовремено признание за африканската визија на Неговото величество, Кралот Мохамед VI за силна меѓуафриканска соработка и сведоштво за безбедноста и стабилноста што ја уживаат Сахарските провинции на Кралството.