РАЗБИЕНА СРПСКА КРИМИ БАНДА ВО ШПАНИЈА - уапсени четворица со марихуана од 600 илјади евра
Објавено во: Балкан, Свет 11 Април, 2021
Четворица српски државјани се уапсени во Сарагоса со 132 килограми марихуана, чијашто пазарна вредност се проценува на 600.000 евра, објавија шпанските медиуми.
Како што се наведува, акцијата на полицијата траела со месеци, а во неа бил приведен организаторот на шверцот и уште тројца членови на бандата.
„Банда составена од Срби е разбиена во Сарагоса. Тие имале оперативен центар во градот Фуентес де Ебро, каде произведувале марихуана во индустриски магацин, ја преработувале, пакувале и испраќале пакети во странство“, објави порталот Абц.
Сепак, шпанската полиција не прецизираше во кои европски земји Србите увезувале марихуана.
„Комплетното производство секако беше наменето за извоз, а не за домашен пазар. Кога полицијата упаднала во магацинот, во пупките пронашле 132 килограми марихуана и спакувани пакувања подготвени за транспорт. Во Шпанија, вредноста на дрогата е поголема од 230.000 евра, но уличната вредност ќе достигне дури 600.000 евра“, изјави за медиумите извор од полицијата.
Агентите, исто така, пронајдоа 1.886 саксии со растенија во процес на одгледување и уште 2.475 саксии со растенија кои веќе беа исечени.
„Тројца Срби беа пуштени да се бранат од слобода, додека организаторот беше приведен“, наведуваат медиумите.
Извор и фото: Курир.рс