РАЗЛИКАТА ВО СМРТНОСТТА ПОМЕЃУ МЛАДИ И СТАРИ Е ДРАСТИЧНО НАМАЛЕНА: Зошто голем број вакцинирани починаа од ковид?
Објавено во: Свет 28 Јули, 2021
Многумина,
особено оние кои се двоумат околу вакцинацијата, се збунети од информациите
дека во Велика Британија, каде што е вакцинирана околу половина од
популацијата, има подеднакво вакцинирани и невакцинирани меѓу смртните случаи
од ковида-19.
Во последната
студија на Public Health England се наведува дека вакцините се многу ефикасни, но не и 100%. Научниците откриваат
дека во Велика Британија, од 259 лица кои починале од Ковид-19, 116 биле
целосно вакцинирани, а 143 не биле.
Како што пренесува Индекс.хр треба да се има предвид дека неколку студии покажаа дека вакцините не штитат 100% и дека една доза вакцина е прилично слаба заштита од делкта варијантата. На пример, Фајзер, чија единечна доза обезбедува над 80% заштита од алфа, вакцината е само 56% или дури и помалку ефикасна против делта. Според студија презентирана во престижното списание Nature, две дози на Фајзер го стимулирале производството на антитела против делта кај 95% од вакцинираните, иако нивните нивоа на титар против делта биле 3-5 пати пониски отколку против алфа сојот.
Така, јасно е дека вакцините, кои не се 100% ефикасни ниту против алфа, тие се дури и помалку ефикасни против делта варијантата. Ова значи дека треба да се очекува дека дури и меѓу целосно вакцинираните ќе има некои кои ќе се разболат сериозно и ќе умрат. Ова е особено точно за постарите лица и пациентите со слаб имунолошки одговор или оние кои земаат имуносупресиви за трансплантација (за да не го отфрлат трансплантираниот орган) или некои други здравствени проблеми.
Сепак, научниците продолжуваат да инсистираат на тоа дека вакцините се многу ефикасни против делта и дека значително го намалуваат бројот на пациенти, особено хоспитализирани и починати.
Разликата во смртност помеѓу млади и стари лица е драстично намалена
Во реалноста, во Велика Британија, се случува сосема поинаква, скоро спротивна работа. Има една група без ризик од околу 50% од популацијата која не примила вакцина и друга многу ризична од околу 50% од популацијата што ја примила вакцината. Како што покажаа податоците на PHE, резултатот е дека имам еднаков број смртни случаи во двете групи. Следува дека невакцинираната популација без ризик и вакцинираните многу поризични се изедначени во смртността благодарение на вакцинацијата. Тоа е скоро остварување на сонот за научниците кои развја вакцини, особено ако се земе предвид дека тие ги развја против Вухан варијантата, а не и против мутацијата која сега е многу поопасна, односно делта.