15 Јули, 2020
0.0418

РАЗВОЈ НА ВЕШТИНИ ЗА ЕКОНОМИЈАТА НА 21-ОТ ВЕК

Објавено во: Економија 17 Септември, 2019

Коморскиот инвестициски форум на земјите од Западен Балкан (КИФ ЗБ6) и Европската тренинг фондација (ЕТФ), на 12 септември 2019 година во канцеларијата на Секретаријатот на КИФ во Трст, потпишаа Договор за соработка и взаемна поддршка за развој на вештини потребни за економијата  на 21-от век. Со потпишувањето на овој договор, главен акцент ќе се стави на развојот на потребните вештини на работната сила во економиите на Западен Балкан, потребни за зајакнување на нивниот пат кон ЕУ, во соработка со образовните институции и во согласност со барањата на пазарот на трудот.

Директорот на Европската тренинг фондација, Чезаре Онестини, на настанот додаде дека е од суштинско значење да постои еден глас со кој Западен Балкан ќе ги изрази своите заеднички грижи и предизвици со кои се соочува, за да го добие потребното внимание како регион во процесот на евроинтеграција и со тоа да се осигури дека нивната работна сила ќе ги развива потребните вештини што ќе го придвижат овој регион напред.

Генералниот секретар на КИФ ЗБ6, Сафет Герџалиу, додаде дека сегашниот фокус на КИФ ЗБ6 е посветен токму на развојот на професионални стандарди на регионално ниво за зголемување на вработеноста на младите во регионот, како и натамошно усогласување на националните регулативи, што е неопходен предуслов за мобилноста на трудот и натамошна соработка помеѓу приватниот и јавниот сектор во рамките на системот за дуално образование. Тој посочи дека ЕТФ ќе биде одличен  партнер кон зацртаниот пат.

Договорот за соработка беше инициран за време на годинешниот Самит на Западен Балкан во Познањ, што се одржа во јули, каде што министрите за економија на Западен Балкан ги потврдија ставовите за постигнување на целите на Берлинскиот процес. Основната идеја е да се создадат синергии во активностите на двете организации со цел максимално да се влијае на развојот на човечкиот капитал во регионот на Западен Балкан.

Специфичните тематски области на меѓусебната соработка ќе бидат дуалното стручно образование и обука и подготовката на коморите во нивните улоги како посредници во овој сегмент; идентификација на потребните вештини, вклучително и нивната употреба во сегментот на „паметна специјализација“; развој на квалификации за иновативни економии; управување и одржливи финансиски модели со повикување на јавно-приватно партнерство; претприемачки и дигитални вештини.

Европската тренинг фондација е агенција финансирана од ЕУ, чијашто главна цел е да помага во процесот на зајакнување на односите меѓу ЕУ и земјите во развој и да придонесува за подобрување на релевантноста и ефективноста на техничката и финансиската помош на ЕУ во тие земји. Со поддршка на развојот на човечкиот капитал, ЕТФ придонесува за социјален и економски напредок и долгорочна стабилност во околните земји. ЕТФ е со седиште во Торино, Италија, со околу 130 вработени лица.

м-р Сања Николова,
стручен соработник во Стопанската комора на Македонија

Можеби ќе ве интересира

Малите акционери се погласно ја негодуваат зделката со „Дуферко“, од „Макстил“ велат - таа ќе донесе подобар резултат за компанијата

Малите акционери се погласно ја негодуваат зделката со „Дуферко“, од „Макстил“ велат - таа ќе донесе подобар резултат за компанијата

ЗЕМЈАТА ЈА НАРЕКУВАА „БЛЕСКАВА ЅВЕЗДА“: Сега е во најдлабока рецесија откако стекна независност од Малезија

ЗЕМЈАТА ЈА НАРЕКУВАА „БЛЕСКАВА ЅВЕЗДА“: Сега е во најдлабока рецесија откако стекна независност од Малезија

ССМ: 15 јули е неработен ден за сите работници

ССМ: 15 јули е неработен ден за сите работници

ГАСОТ ВО ВТОР ПЛАН: Русите прават пари од златото

ГАСОТ ВО ВТОР ПЛАН: Русите прават пари од златото

ЗЕМЈА ВО РЕГИОНОТ: Aко купите стан, добивате и државјанство

ЗЕМЈА ВО РЕГИОНОТ: Aко купите стан, добивате и државјанство

Поради пандемијата доларот трета седмица по ред паѓа

Поради пандемијата доларот трета седмица по ред паѓа

ОД УТРЕ НА ПЛАЖА НА ДРЖАВЕН ТРОШОК: Ваучерите во функција

ОД УТРЕ НА ПЛАЖА НА ДРЖАВЕН ТРОШОК: Ваучерите во функција

Интервју Лазаров: Пропуштивме многу, економските односи со Бугарија треба да се приоритет

Интервју Лазаров: Пропуштивме многу, економските односи со Бугарија треба да се приоритет

Од денеска повторно поскапени горива

Од денеска повторно поскапени горива