Реакции по труењето на Праљак во Хаг

Добивај вести на Viber

Премиерот на Хрватска, Андреј Пленковиќ се обрати околу 16 часот на јавноста и во име на Владата изрази сочувство до семејството на хрватскиот генерал Слободан Праљак, кој денеска испи отров во судница во Хашкиот трибунал, откако му беше потврдена казната од 20 години затвор за воени злосторства во војната во БиХ во деведесеттите години на минатиот век.

„Изразувам сочувство до семејствата на жртвите на сите злосторства извршени во војната во БиХ. Неговиот чин, во кој се го одзеде својот живот, најмногу говори за моралната неправда на кон шесте Хрвати во Хаг. Го изразуваме нашето незадоволство и жалење за изречените казни и би сакал да ве потсетам на помошта и поддршката што Хрватска и ја даде на Босна и Херцеговина кога таа беше нападната од страна на српските сили. Врз основа на договорот со Армијата на БиХ, хрватската армија ја прекина опсадата на Бихаќ и на тој начин го спречи геноцидот. Во сојуз со Армијата на Босна и Херцеговина, хрватската армија ослободи многу области и на тој начин овозможи Дејтонски договор. Хрватска понуди засолниште на стотици илјади бегалци од БиХ, без оглед на нивната националност“- рече премиерот.

Хрватската претседателка Колинда Грабар-Китаровиќ ја прекина посетата на Исланд и веднаш се враќа во земјата поради денешните случувања во Хашкиот трибунал при изрекувањето на пресудите на некогашните политички и воени лидери на босанските Хрвати, додека хрватскиот премиер Андреј Пленковиќ најави дека попладнево ќе има обраќање до јавноста во врска со случајот.

Познатиот српски адвокат Тома Фила, кој често застапуваше обвинети во Хашкиот трибунал, изјави дека е лесно да се внесе отров во Судот.

Според него, мерките за безбедност за адвокатите и други службеници во Судот се исти како на аеродромите. Се проверуваат метални предмети, чевли, и се одземаат мобилните телефони. Тој додаде дека апчиња и мали количества течности не се регистрираат.

Фила ги коментираше мерките за безбедност откако поранешниот командант на силите на босанските Хрвати, генерал Слободан Праљак денеска се изврши самоубиство испивајќи отров во судница на Хашкиот трибунал.