Ребалансот и растот на БДП: Какви прогнози крои Народната банка
Објавено во: Економија 16 Октомври, 2018
Владата ја спушти проекцијата за раст на домашната економија, сега на потег е Народната банка. Најновите, октомвриски прогнози најверојатно ќе бидат објавени на почетокот на следниот месец, а според очекувањата и најавите од НБМ, растот годинава е побавен од очекуваниот па и проекцијата на Народната банка се очекува да биде корегирана надолу. Според последните прогнози на централната банка, растот годинава ќе биде 3,2 отсто, но на новите прогнози веќе се работи.
Во ребалансот кој Владата го скори на буџетот за годинава се предвидува раст на македонската економија од 2,8 проценти наместо првично пректираните 3,2 отсто.
Познавачите велат дека и ова е оптимистична прогноза со оглед на тоа што растот во првиот квартал беше нула, а во вториот забрза, ама ситуацијата не е баш најсјајна и сега во третото тромесечје.
Меѓународниот монетарен фонд минатата недела објави дека очекува раст на македонската економија од само 1,6 процентни за годинава.
Според проекциите на Фондот, в година Брутодомашниот произвед ќе порасне со стапка 2,6 проценти, за во 2023 година да стаса до раст од само 3,4 проценти.
Во последниот извештај на Фондот, проекциите за Македонија се намалени драстично. Имено Меѓународниот монетарен фонд во претходната проекција предвидуваше раст на македонската економија од 3,2 проценти годинава. Сега тие очекувања се преполовени.
Такви очекувања имаше и Владата при проекцијата на годинешниот буџет но сега ги намали. Светска банка пред две недели објави дека ги спушта очекувањата за раст на македонската економија за годинава од 3,2 на 2,3 проценти.
Владата објави ребаланс во кој ги скрати парите за капитални проекти кои и така потфрлија годинава, а обезбеди 50 милиони евра повеќе за општините. Инаку цело време претходно се тврдеше дека долгот на општините надминува над сто милиони евра.
А.Т.