РЕДИЦИ ЗА ГЛАСАЊЕ ВО ШТИП: Излезеноста на сите ИМ до 11.00 е околу 14 отсто
Објавено во: Македонија 15 Јули, 2020
Во Штип граѓаните
утринава масовно гласаат. На повеќе избирачки места се забележани редици за да
го остварат правото на глас. На Избирачкото место 2280, од 518 гласачи, правото
до 11.00 часот го оствариле 75 граѓани, што е точно 14 проценти од вкупниот
број избирачи. И на другите избирачки места, проценото на излезеност е околу
14.
Претседателите од неколку избирачки места се презадоволни од текот на гласањето и од граѓаните, за кои како што велат стриктно се придржуваат до протоколите.
-На денот на изборите граѓаните на Штип се крајно дисциплинирани. Сликата до вчера, кога ретко кој носеше маска низ градот е сосема поинаква. Сите кои дојдоа да гласаат носат маски и ги почитуваат безбедносните мерки за заштита од вирусот. Не сме дале ниту една од оние кои ги имаме за секој случај, доколку некој не носи. Дури и кога ги замолуваме барем на секунда да ја симнат за идентификација, прашуваат дали мора. Од наша страна исто така се почитуваат протоколите. Постојано правиме дезинфекција на кутиите, на масите, сите сме со визири, со ракавици. Прозорците во просторијата се отворени, така што до сега се тече како што треба, велат од Штип за Фактор.
А.Б.