22 Април, 2018
0.0593

РЕФОРМАТОРИТЕ ВО БРИСЕЛ: ВМРО-ДПМНЕ мора што поскоро да се реформира

Објавено во: Македонија 18 Октомври, 2017

Претставниците на Внатрепартиската Иницијатива за реформи во ВМРО-ДПМНЕ, Александар Михајлоски, Петар Богојески, Костадин Богданов и Драган Лазаров беа на работни состаноци во Брисел, каде што остварија средби во Европскиот Парламент и во Европската комисија.

Оваа посета на членовите на Иницијативата е продолжување на редовната комуникација со Брисел и континуитет на средбите кои беа остварени на минатата посета, во септември, со Европратеникот од Германската ЦДУ на Ангела Меркел, г. Елмар Брок и со г. Кристијан Преда, кој е Известувач на Комисијата за надворешни работи на Европскиот Парламент.

На посетата, која се одржа на 17 и 18 октомври, во Европскиот Парламент беа остварени средби со Европратеничката тројка за Македонија: Иво Вајгл, кој е известувач во Европскиот Парламент за Република Македонија, Кнут Флекенштајн, Европратеник од Германија, како и претставници од Кабинетот на Европратеникот Едуард Кукан. Исто така, беа остварени средби и со Заменик-претседателот на Групата на Европската Народна Партија во Европскиот Парламент, д-р Андреј Ковачев и со претставници на Европската комисија задолжени за следење на напредокот на Република Македонија во Евроинтеграцискиот процес, како и со Поранешниот Амбасадор на ЕУ во Република Македонија, Ерван Фуере. 

На средбите беа истакнати заложбите за реформи и демократизација на ВМРО-ДПМНЕ, како неопходен и незапирлив процес, особено по резултатите што ги оствари партијата на првиот круг од Локалните избори. Истакната е обострана загриженост за падот на рејтингот на ВМРО-ДМНЕ и стабилноста на опозицијата во Република Македонија. Заеднички заклучок е дека ВМРО-ДПМНЕ мора што поскоро да се реформира со цел да биде силна и конструктивна опозиција, која ќе биде коректор на власта, а воедно и ќе придонесува за политички консензус со цел напредок на Република Македонија кон Евро-атлантскиот пат. Истовремено, беше нагласено дека реформите во ВМРО-ДПМНЕ треба да бидат суштински со цел воспоставување на вистинска внатрепартиска демократија и во таа насока, не треба да се импровизира со организирање на т.н. „приватен партиски конгрес“ по завршување на изборите, кој што може да се одрази штетно, не само на партијата, туку и на демократијата во Република Македонија.

Можеби ќе ве интересира

Најавен голем првомајски протест за стопирање на извршителите

Најавен голем првомајски протест за стопирање на извршителите

Заев за Франс прес: Блиску сме до решение кое ќе трае со векови со Грција

Заев за Франс прес: Блиску сме до решение кое ќе трае со векови со Грција

Голем пожар покрај Преспанското езеро

Голем пожар покрај Преспанското езеро

Заев тврди дека сите разговори за „Монструм“ се во СЈО

Заев тврди дека сите разговори за „Монструм“ се во СЈО

ВМРО-ДПМНЕ: Заев да се тргне од патот на правдата за „Монструм“

ВМРО-ДПМНЕ: Заев да се тргне од патот на правдата за „Монструм“

Филипче: Без вакцини нема запишување во градинка и училиште

Филипче: Без вакцини нема запишување во градинка и училиште

МВР со голема акција во Скопје во лов на пијани возачи

МВР со голема акција во Скопје во лов на пијани возачи

Крадци ја „пеплосале“ катната гаража Македонска фаланга

Крадци ја „пеплосале“ катната гаража Македонска фаланга

И Даниел Сервер доаѓа во Македонија

И Даниел Сервер доаѓа во Македонија